Agjencia Kosovare e Pronës (KPA) është themeluar me 4 Mars 2006 në bazë të Rregullores së UNMIK-ut 2006/10, si agjenci e pavarur sipas Kapitullit 11.2 të Kornizës Kushtetuese të Kosovës. Ajo ka mandatin të zgjidh kërkesat që rrjedhin nga konflikti i armatosur në mes të 27 shkurtit 1998 dhe 20 qershorit 1999 në lidhje me pronën e paluajtshme private, që përfshinë pronën bujqësore dhe komerciale - dhe ka tri funksione kryesore: (a) pranimin dhe regjistrimin e kërkesave specifike për pronën e paluajtshme private; (b) zbatimin e vendimeve përfundimtare ligjore; dhe (c) administrimin e pronave të braktisura.

KPA-ja vepron përmes 10 zyreve kryesore që gjenden në Beograd, Kragujevc dhe Nish në Serbi (me zyret e përkohëshme në Krushevc dhe Novi Pazar); Podgoricë (me zyren e përkohëshme në Beran) në Mal të Zi dhe në Shkup, IRJM, krahas zyreve të saja në Gjilan, Mitrovicë (me zyret satelit edhe në pjesën jugore e edhe në atë veriore të qytetit), Pejë, Prishtinë (me zyren satelit në Graçanicë) dhe në Prizren, Kosovë. Zyret rajonale mbikqyren nga Zyra Qendrore që gjendet në Prishtinë. Të gjitha zyret janë themeluar pas tendereve publike konkurruese për sigurimin e një zgjidhjeje më të arsyeshme ekonomike gjatë tërë kohës.

Në bazë të Rregullores, personeli dhe pasuritë e Drejtoratit për Çështje Banesore dhe Pronësore (DÇBP) i barten KPA-së. Kështu që, KPA-ja merr përgjegjësit për implementimin e të gjitha kërkesave mbi pronën e banimit që ishin në pritje në DÇBP më 4 mars 2006 dhe do të sigurojë zgjidhjen e tyre në mënyrë efektive dhe të shpejt. Më tutje, Komisioni i Kërkesave Banesore dhe Pronësore (KKBP) do të vazhdojë të vendos  për numrin e kufizuar të kërkesave banesore, që aktualisht janë në pritje.

Sa i përket mandatit të KPA-së lidhur me pranimin e kërkesave për pronën e paluajtshme private, përfshirë pronën bujqësore dhe komerciale, pranimi i kërkesave ka filluar më 5 prill 2006. Ne mirëpresim bashkëpunimin dhe kooperimin nga secili  që ky mision, që i është besuar KPA-së, meriton dhe kërkon në mënyrë që ai të implementohet me sukses.